දස්කොන් සකි සද ඉක්මන් ගමනින් නොඑනා ගමනකි යන්නේ.
අසම්මත ප්රේමය නිසා අමාරුවේ වැටුණ ප්රේමවන්තයකු පිළිබඳ කතන්දරයක් මහනුවර යුගයෙන් ද අසන්නට ලැබේ. එනම්, දස්කොන්-ප්රමිලා දෙදෙනාගේ ප්රේම කතාන්දරය යි. ශ්රී වීර පරාක්රම නරේන්ද්රසිංහ රජුගේ හිතවතකු වූ දස්කොන් අදිකාරම රජ බිසවක වූ ප්රමිලා දේවිය සමඟ පෙම් සබඳකමක් ඇති කර ගත්තේය. එය හෙළිදරව් වීම නිසා කෝපයට පත් රජු දස්කොන්ගේහිස ගසා මරා දමන්නට නියම කළේය. දස්කොන් ප්රමිලා ප්රේම වෘතාන්තය ජනප්රවාදයේ එන ආකාරයට නම් මෙසේ ය
දස්කොන් අදිකාරම සහ ප්රමිලා දේවිය අතර පැවැති අසම්මත ප්රේමය නරේන්ද්රසිංහ රජුට දැනගන්නට ලැබුණේ විශේෂ සිද්ධියකිනි. ප්රමිලා බිසව වෙනුවෙන් පැවැත්වූ බලි තොවිල් යාගයකට ඇයගේ රූපය අඹන්නට වුවමනා විය. බලි ඇදුරෝ දේවියගේ සිරුරේ රහස් තැනක තිබූ ලපයක් එම රූපයේ නිවැරැදිව සළකුණු කළහ. එම ලපය තබන්නට කීවේ කවුරුන්දැයි විපරම් කළ රජුට දැනගන්නට ලැබුණේ දස්කොන් අදිකාරම්ගේ නියමයෙන් එය සිදු කෙරුණ බව යි. ඔහුදඬුවමට ලක්වන්නේ එයින් පසුව යි
දස්කොන් අදිකාරම කලාකාමි සිතක් තිබු පුද්ගලයෙකු බව සදහන් වේ. එක් අවස්ථාවක දි අදිකාරම විසින් ප්රමිලා බිසව වෙනුවෙන් පහත සදහන් කවිය ගායනා කර තිබේ.
රන්මාලය පැළඳගෙන ගත සුවිපුල්ලා
ඉන් ආලය වඩයි මගෙ සිත නුඹ පල්ලා
ඉන් ආලය වඩයි මගෙ සිත නුඹ පල්ලා
පන්දහසකට මැද තිබුණත් උඩ එල්ලා
රන් භාජනය නොවිඳිද විදිනා ගුල්ලා
රන් භාජනය නොවිඳිද විදිනා ගුල්ලා
එම කවියට පිළිතුර ලෙසින් ප්රමිලා බිසව පහත සදහන් කවිය ගායනා කර තිබේ.
යන්නෝ මෙමග රෑ දහවල තොර වෙත්ද
බොන්නෝ මෙ ගඟ දිය බොර කරලා බොද්ද
බොන්නෝ මෙ ගඟ දිය බොර කරලා බොද්ද
දන්නෝ පහස ගෙට අඬ ගහලා දෙත්ද
දන්නෝ උපා මිණී බැඳි දොර නාරිත්ද
සිරගතව සිටින අවස්ථාවේ දි දස්කොන් අදිකාරම වෙනුවෙන් ප්රමිලා බිසව පහත සදහන් කවිය කියා තිබේ.
සක්මන් කරන මළුවේදී බැඳි හාද
සිත් සන්තොසින් දුන් මුව මී බීවාද
ඉක්මන් ගමන් අහො අද ඔබ යනවාද
සිත් සන්තොසින් දුන් මුව මී බීවාද
ඉක්මන් ගමන් අහො අද ඔබ යනවාද
දස්කොන් මගෙ නමට ජීවිතෙ දෙනවාද
එම කවියට පිළිතුර ලෙසින් දස්කොන් අදිකාරම පහත සදහන් කවිය ගායනා කර තිබේ.
විසැස් කමලාව රස පහස නොවිඳ මා
දසිස් දුනි පොරණ ඇසු දුටු පමණ මා
දසිස් දුනි පොරණ ඇසු දුටු පමණ මා
වෙසෙස් ඔබගෙ අමයුරු පහස ලත් මෙමා
මහිස් එකක් දුනි නම් ඔබ නමට කිමා
දස්කොන් සකි සද ඉක්මන් ගමනින් නොඑනා ගමනකි යන්නේ
එනමුත් ලදුනේ මතු අත් භවයේ ඔබ මා යලි හමුවන්නේ.......//
සියොලග හිමි ලග හදවත මා ලග කෙලෙස ද හද බැදලන්නේ
කවුදෝ රැකවල්ලන්නේ ඔබ මා යලි හමු වන්නේ
දස්කොන් සකි සද ඉක්මන් ගමනින් නොඑනා ගමනකි යන්නේ
එනමුත් ලදුනේ මතු අත් භවයේ ඔබ මා යලි හමුවන්නේ
මිය යමි මනු ලොව හමුවෙමි පෙම් ලොව ලොව්තුරු සුව බලමින්නේ
කිසිදා නැත සමු ගන්නේ
ඔබ මා යලි හමු වන්නේ
දස්කොන් සකි සද ඉක්මන් ගමනින් නොඑනා ගමනකි යන්නේ
එනමුත් ලදුනේ මතු අත් භවයේ ඔබ මා යලි හමුවන්නේ
ගායනය පණ්ඩිත් අමරදේවයන් සමගින් විශාරද නීලා වික්රමසිංහ.
No comments:
Post a Comment